Sankt-Peterburqda hüquq-mühafizə orqanları "qanuni oğru" kimi tanınan 54 yaşlı Yusif Əliyevi saxlayıblar.
"Kommersant" Rusiya Daxili İşlər Nazirliyinə istinadən xəbər verir ki, Əliyev 2008-ci ildən beynəlxalq axtarışda olub.
O, iki və daha çox şəxsin qətli də daxil olmaqla ağır cinayətlərdə ittiham olunur. Ona cinayət iyerarxiyasında ən yüksək mövqe tutmaq maddəsi ilə də ittiham irəli sürülüb.
Yusif Əliyev iyunun 9-da səhər saatlarında saxlanılıb. Həmin maddə üzrə 15 ilədək həbs cəzası nəzərdə tutulur.
Qeyd edək ki, 2009-cu ilin martında o, Moskvada restoranlardan birində keçirilən əməliyyat zamanı saxlanılmış, lakin qısa müddət sonra sərbəst buraxılmışdı.
