İran Prezidenti Məsud Pezeşkian ABŞ və İsraillə müharibənin ölkəyə vurduğu zərərləri etiraf edib.
Dövlət qurumlarının ictimaiyyətlə əlaqələr rəhbərləri ilə görüşdə Pezeşkian enerji infrastrukturuna böyük zərər dəydiyini, istehsalın azaldığını və benzin çatışmazlığını bildirib.
"230 milyon kubmetr qaz obyekti, elektrik stansiyaları, neft-kimya və polad zavodları vurulub. Heç bir problemimiz olmadığını iddia etmək düzgün deyil", - deyə o vurğulayıb.
Pezeşkian dürüst narrativ quruculuğunu müdafiə edərək, cəmiyyətə yalan məlumat verənləri şeytanın təsirində olmaqda ittiham edib.
Qeyd edək ki, bəzi rəsmi media bu çıxışı ixtisar edib və ya fərqli formada təqdim edib. Məsələn, "Nur-nyus" saytı onun səhv mesaj yayılmasından gileyləndiyini yazıb.
