Yaponiyanın 'Necoichi' markası qeyri-adi şirniyyat təqdim edib. Bu, üçrəngli pişiklərin daranmış tük topalarını xatırladan şəkər pambığıdır.
Məhsul 'dadlı pişik xəzi' mənasını verən 'Delicious Cat Fur' adı ilə satılır. Plastik qablarda təqdim edilən şirniyyat, karamel kimi ağızda partlayır.
Jurnalistlər bu teksturanı əyləncəli və fərqli adlandırıb. Məhsul yalnız Yokohamadakı 'Lalaport' ticarət mərkəzində mövcuddur. Qiyməti 980 yen (təxminən 10 manat) təşkil edir.












