UEFA Çempionlar Liqasının finalı zamanı Parisdə baş vermiş iğtişaşlarda azı 140 nəfər saxlanılıb. Bu barədə BFMTV telekanalı məlumat yayıb.
Hüquq-mühafizə orqanları 2 216 yoxlama aparıb, 89 cərimə protokolu tərtib edib. 24 məşəl və 100-ə yaxın pirotexniki vasitə müsadirə olunub.
"Le Figaro"nun yazdığına görə, bir polis xəsarət alıb. "Park de Prens" ətrafında iki iaşə müəssisəsi zərər görüb. Yelisey rayonunda isə altı avtomobil və bir qəzet köşkü yandırılıb.
Stadion ətrafında polis təxminən 1 000 nəfəri nəzarətdə saxlayır. Xuliqanlar kirayə velosipedlərdən barrikadalar qurur, polis gözyaşardıcı qazdan istifadə edir.
Budapeştdə keçirilən finalda PSJ "Arsenal"a qalib gəlib. Oyun 1:1 bitdikdən sonra penaltilərdə PSJ 4:3 üstün olub.
