Çin sədri Si Cinpin və Rusiya Prezidenti Vladimir Putin Pekində görüşüb.
Oxu.Az Rusiya KİV-ə istinadən xəbər verir ki, Cinpin Putini Tyanyanmen meydanında qarşılayıb. Liderlər əl sıxışıb. Rusiya liderini hərbi qarovul və orkestr qarşılayıb. Meydan qırmızı xalça ilə döşənib.
Görüş zamanı Putin Cinpini 2027-ci ildə Rusiyanı ziyarət etməyə dəvət edib və onu əziz dostu adlandırıb.
Vladimir Putin Rusiya-Çin danışıqlarının məzmun baxımından əhəmiyyətli olduğunu, dialoqun etimad əsasında aparıldığını bildirib.
"İndicə ənənəvi dostluq və etimad şəraitində ikitərəfli əməkdaşlığın vacib məsələləri üzrə məhdud formatda məzmunlu danışıqlar apardıq. İndi isə onları daha geniş formatda müzakirə edəcəyik", - deyə Rusiya lideri qeyd edib.
