Rusiya Prezidenti Vladimir Putin, xarici dövlətlərin məhkəmələri tərəfindən təqib olunan rusiyalıları qorumaq üçün ordudan istifadəyə icazə verən qanunu imzalayıb.
Oxu.Az TASS agentliyinə istinadən xəbər verir ki, sənədə əsasən, ölkə başçısı Rusiyanın iştirakı olmadan fəaliyyət göstərən xarici və beynəlxalq məhkəmələrin təqiblərindən rusiyalıları qorumaq üçün Silahlı Qüvvələrin bölmələrini göndərə biləcək.
Bundan əlavə, qanunda qeyd olunur ki, Rusiya prezidentinin qərarı ilə dövlət orqanları da digər ölkələrin məhkəmələri tərəfindən Rusiya vətəndaşlarının həbsi, cinayət təqibi və digər təzyiqlərə məruz qalması hallarında onların müdafiəsi üçün tədbirlər görəcəklər.
