Çuğundur, ispanaq və kələm kimi tərəvəzləri yedikdən sonra saqqız çeynəmək qan təzyiqini aşağı sala bilər.
Britaniyalı nutrisioloq Şarlotta Mills "The Telegraph"a bildirib ki, yarpaqlı göyərtilər və kök tərəvəzlər nitratla zəngindir. Bu maddə qan damarlarını genişləndirir, qan dövranını yaxşılaşdırır.
London Kral Kolleci və Redinq Universitetinin tədqiqatına görə, tərəvəz qəbulundan sonra şəkərli saqqız çeynəmək tüpürcəyin turşuluğunu artırır. Bu, nitratların mənimsənilməsini sürətləndirir və qan təzyiqini aşağı salır.
Mills həddindən artıq saqqız istifadəsinin dişlərə və ürəyə zərər verə biləcəyini vurğulayıb.
