Qara dənizdə Türkiyə gəmisi vurulub. Mayın 29-na keçən gecə Rusiya Odessa vilayətindəki limanlardan birindən Türkiyəyə gedən gəmiyə PUA zərbəsi endirib.
Ukrayna Hərbi Dəniz Qüvvələri Telegram kanalında bildirib ki, zərbə nəticəsində iki ekipaj üzvü yaralanıb. Onlar Ukrayna qayıqları ilə təxliyə edilib və xəstəxanaya aparılıb.
Hücum zamanı Rusiya ordusu Vanuatu bayrağı altında Odessadan Türkiyəyə yük daşıyan ANT gəmisini hədəf alıb. Zərbə nəticəsində gəmidə yanğın baş verib, lakin Ukrayna xilasetmə qüvvələri yanğını söndürüb.
