Qazaxıstanın Manqistau vilayətində aprelin 17-dən etibarən 300-ə yaxın suiti cəsədi aşkarlanıb. Son iki gündə daha 37 ölü suiti tapılıb.
Ekoloqlar Karajanbas və Buzaçi neft yataqları ətrafında aşkarlanan suitilərin sayının artdığını bildirirlər. Respublika Balıqçılıq və Akvakultura Assosiasiyasının rəhbəri Daniyar Akimjanov bildirib ki, real rəqəm 300-dən çox ola bilər.
Suitilərin kütləvi ölümünə səbəb kimi dəniz ekosistemindəki mənfi dəyişikliklər göstərilir.
