Qazaxıstanda internetdə nalayiq ifadələrə görə cərimə tətbiq ediləcək. Yeni qanun layihəsi artıq hazırlanıb və müzakirə mərhələsindədir.
Baş nazir Oljas Bektenov deputat sorğusuna cavabında bildirib ki, onlayn platformalarda nalayiq sözlər işlədənlər inzibati məsuliyyətə cəlb olunacaq.
Dəyişikliklərə səbəb sosial şəbəkələrdə yayılan bir video olub. Videoda transformasiya təlimi iştirakçılarının qeyri-etik ifadələr işlətməsi ictimai rezonans doğurub.
Qanun layihəsi bu ay parlamentə təqdim ediləcək. Qəbul olunarsa, cərimələr həm real həyatda, həm də onlayn şərhlərə şamil olunacaq.
