Yaxın Şərqdəki böhran ABŞ, Böyük Britaniya və digər inkişaf etmiş ölkələrdə qiymət artımı və əməkhaqlarının azalmasına səbəb olub.
Oxu.Az xəbər verir ki, bu barədə "Financial Times" məlumat yayıb. Hörmüz boğazının bağlanması yanacağın və avtomatik təyyarə biletlərinin kəskin bahalaşmasına gətirib çıxarıb.
Aprel ayında ABŞ-da illik inflyasiya 3.8 faizə çatıb, orta saatlıq əməkhaqqı isə cəmi 3.6 faiz artıb. Bu, son iki ildə ilk dəfədir ki, qiymətlər maaşlardan daha sürətlə bahalaşır.
Avrozona enerji şoku yaşayır; 2022-ci il inflyasiya böhranından yenicə çıxan işçilər üçün bu növbəti zərbədir.
"Financial Times" həmçinin Aİ-nin yeni iqlim qaydalarının iqtisadiyyata təsirlərini də qeyd edib. Avropanın aparıcı aviaşirkətlərinin hər birinin əlavə maliyyə xərcləri ən azı 1.5 milyard avro artacaq.
Brüssel, emissiya ticarəti sisteminin (ETS) ittifaqdan uçan reyslərə şamil edilməsini dəyərləndirir. "Transition Metrics" konsaltinq şirkətinin proqnozlarına görə, bu dəyişiklik "Lufthansa", "British Airways" və "Air France - KLM" kimi böyük aviadaşıyıcılara təsir edəcək.
Onların 2027-ci ildə əlavə xərcləri müvafiq olaraq 1.8 milyard avro, 1.7 milyard avro və 1.5 milyard avroya çatacaq. "Transition Metrics"in rəhbəri Yan Arensin sözlərinə görə, tam tətbiq Frankfurt-Pekin biletini 100 avro bahalaşdıracaq.
Aviaşirkətlər artıq 2027-ci il tələblərinə uyğunlaşmaqda çətinlik çəkirlər; gələn il üçün uzaq məsafəli uçuşlara bilet satışı indidən başlayır.
