Qətərin baş nazirinin müşaviri və Xarici İşlər Nazirliyinin sözçüsü Məcid bin Məhəmməd əl-Ənsari, Dohanın ABŞ-la razılaşma üçün İrana 12 milyard dollar təklif etməsi barədə xəbərləri təkzib edib.
Oxu.Az-ın məlumatına görə, o, bu barədə "X" hesabında yazıb. "İddialar həqiqəti əks etdirmir. Şayiələr müqaviləni pozmaq və diplomatik səylərə zərər vermək istəyən tərəflər tərəfindən yayılır", - deyə o qeyd edib.
Xatırladaq ki, bazar ertəsi İran nümayəndə heyəti Məhəmməd Baqir Qalibaf və Abbas Əraqçının rəhbərliyi ilə Dohaya səfər edib. "Reuters"-ə görə, heyətə Mərkəzi Bankın rəhbəri də daxil idi və aktivlərin dondurulmadan çıxarılması müzakirə olunub.
