Qırğızıstanın ümumtəhsil müəssisələri rəsmi olaraq 12 illik tədris sisteminə keçirilib. Hökumət müvafiq normativ-hüquqi aktlara dəyişiklik edib.
Oxu.Az "İnterfaks"a istinadən xəbər verir ki, birinci pillə altı il, ikinci pillə üç il, üçüncü pillə isə üç il olacaq. Ümumi təhsil müddəti 12 ili əhatə edəcək.
Tədris ilinin davamlılığı 34 həftədən az olmayacaq. Birinci (32 həftə) və ikinci (33 həftə) siniflər üçün istisnalar var. Tətillərin ümumi müddəti ən azı 30 gün, yay tətili isə ən azı 14 həftə olacaq.
Bu qərar tədris ilinin optimal müddətini müəyyənləşdirmək və dərs yükünü rasional bölüşdürmək məqsədi daşıyır.
Qərar rəsmi dərc olunduğu gündən 10 gün sonra qüvvəyə minəcək.
