Bişkek Rayon Məhkəməsi Qırğızıstanda yüksəkvəzifəli məmurların iştirak etdiyi dövlət çevrilişinə cəhd işi üzrə hökmü açıqlayıb.
Oxu.Az "Kommersant" nəşrinə istinadən xəbər verir.
Məhkəmənin qərarı ilə Milli Təhlükəsizlik Dövlət Komitəsinin (MTDK) sabiq rəhbəri Kamçıbek Taşiyev əmlakı müsadirə edilməklə 4 il müddətinə azadlıqdan məhrum edilib. Ona 4 il probasiya nəzarəti də tətbiq olunub.
Keçmiş baş prokuror Kurmankul Zuluşev və parlamentin sabiq sədri Nurlanbek Şakiyev də 4 il müddətinə azadlıqdan məhrum ediliblər. Daha beş nəfər isə vəzifə səlahiyyətlərindən sui-istifadəyə görə 3 il probasiya nəzarətinə götürülüb.
Xatırladaq ki, fevral ayında Prezident Sadır Japarov Kamçıbek Taşiyevi MTDK sədri vəzifəsindən azad etmişdi. Taşiyev növbədənkənar prezident seçkisi tələb edən məktubu imzalayan 75 məmur siyahısında yer almışdı.
