"Qiyamət radiosu" kimi tanınan qısadalğalı radiostansiya yenidən sirli mesaj yayımlayıb.
Bu dəfəki mesaj "Bundot" sözündən ibarət olub. Məlumat stansiyanı izləyən rəsmi Telegram kanallarında paylaşılıb.
Elan mayın 18-də səhər yayımlansa da, mesajın mənası barədə heç bir izah verilməyib.
Maraqlıdır ki, bu mesaj Belarusda keçirilən taktiki nüvə təlimləri ilə eyni vaxta təsadüf edib. Həmin gün Belarus hərbçiləri qeyri-strateji nüvə silahının tətbiqi üzrə manevrlərə başlayıb.
Təlimlərin məqsədi hərbçilərin döyüş hazırlığını yoxlamaqdır. Rəsmi olaraq manevrlərin üçüncü dövlətə qarşı yönəlmədiyi bildirilib.
