Avqust ayında çatdırılma ilə qızıl fyuçerslərinin dəyəri bir troy unsiyası (31.10 qram) üçün 4.3 min dollardan aşağı səviyyəyə enib.
Bu barədə Oxu.Az hərrac məlumatlarına əsasən xəbər verir. Bildirilib ki, qiymətli metal 4 291 dollara qədər ucuzlaşıb ki, bu da 2026-cı ilin martın 23-dən bəri qeydə alınan ən aşağı göstəricidir.
Qızılın ucuzlaşması bir sıra amillərlə izah olunur. Bunların sırasına qlobal mərkəzi bankların gələcək monetar siyasəti ilə bağlı ehtimallara yenidən baxılması, birja fondlarından kapital axını, gəlirlərin fiksasiyası və büdcə kəsirlərini bağlamaq məqsədilə bəzi dövlət fondları tərəfindən metalın kütləvi satışı daxildir.
