ABŞ-nin dövlət katibi Marko Rubio etiraf edib ki, Vaşinqton BMT-də islahatlar aparmaq üçün təşkilata olan maliyyə borcundan təzyiq rıçaqı kimi istifadə edir.
Oxu.Az-a TASS-dan verilən məlumata görə, Rubio ABŞ Konqresinin Nümayəndələr Palatasının Xarici İşlər Komitəsindəki dinləmələrdə bu barədə danışıb.
“Hesab edirəm ki, BMT yanındakı missiyamız təşkilatda əhəmiyyətli islahatlar aparmaqda uğur qazanır. Biz haqlarımızı təzyiq vasitəsi kimi istifadə edirik. Ötən il BMT-nin həddən artıq böyük büdcəsində real ixtisarlar oldu”, – Rubio bildirib.
O, əlavə edib ki, BMT-nin fəaliyyəti artıq onun yaradılış məqsədlərinə uyğun gəlmir.
Daha əvvəl “The Wall Street Journal” yazıb ki, ABŞ və Çinin haqları tam ödəməməsi səbəbindən BMT maliyyə çöküşü təhlükəsi ilə üz-üzə qalıb.
