ABŞ dövlət katibi Marko Rubio İranla danışıqlarda əhəmiyyətli irəliləyiş olduğunu bildirib. O, Hindistanın xarici işlər naziri Subramanyam Cayşankarla birgə mətbuat konfransında çıxış edib.
Rubio son 48 saatda Fars körfəzi regionunda tərəfdaşlarla çərçivə planının yaradılması istiqamətində tərəqqiyə nail olunduğunu qeyd edib. Plan uğurlu olarsa, boğazların rüsumsuz açılması və İranın nüvə silahı iddialarının aradan qaldırılması mümkün olacaq.
Dövlət katibi diplomatik üsullara üstünlük verdiklərini vurğulayıb: "Hesab edirəm ki, yaxın bir neçə saat ərzində dünya yaxşı xəbərlər ala bilər."
