Ermənistan iyunun 2-dən etibarən Rusiyaya ixrac üçün diri balıq və balıq məhsullarının sertifikatlaşdırılmasını dayandırmalıdır.
Bu barədə Rusiyanın Baytarlıq və Fitosanitar Nəzarət üzrə Federal Xidməti (Rosselxoznadzor) məlumat yayıb. Bildirilir ki, yoxlamadan keçmiş iki şirkət istisna olmaqla, bütün Ermənistan şirkətləri üçün sertifikatlaşdırma dayandırılır.
Bundan əvvəl Rosselxoznadzor Ermənistan məhsullarının Avrasiya İqtisadi İttifaqının tələblərinə uyğun olmadığını bildirmişdi. Həmçinin, ötən həftədən meyvə-tərəvəz və gül idxalı məhdudlaşdırılıb.
