Rusiya prezidentinin xüsusi nümayəndəsi Boris Titov, Rusiyanın Ermənistandan kənd təsərrüfatı idxalını Azərbaycanla əvəzləmək niyyətində olduğunu bildirib.
O, bu bəyanatı Sankt-Peterburq Beynəlxalq İqtisadi Forumunda verib. Titov deyib: "Ermənistanla itirdiyimizi Azərbaycanla əvəzləyəcəyik, çünki Azərbaycan kənd təsərrüfatında daha güclüdür."
Titovun fikrincə, Azərbaycanın aqrar sektoru yüksək potensiala malikdir və böyük tədarük həcmlərini təmin edə bilər.
O, həmçinin Ermənistanın Aİ-yə daxil olmasının iqtisadi sarsıntılara səbəb olacağını proqnozlaşdırıb.
