Rusiyanın Ermənistan istehsalı məhsulların idxalına qoyduğu məhdudiyyətlər ölkənin ticarət gəlirlərinin ÜDM-in 1.5-2%-nə təsir edir.
Oxu.Az TASS-a istinadən xəbər verir ki, bunu Ermənistan Mərkəzi Bankının Pul-Kredit Siyasəti Departamentinin rəhbəri Vazgen Poqosyan deyib.
"İxracı çətinləşən məhsullardan gəlir ÜDM-in 1.5-2%-ni təşkil edir. Rusiyaya ümumi ixrac isə ÜDM-in 6%-dir", - o bildirib.
Mərkəzi Bankın sədri Martin Qalstyan qeyd edib ki, alternativ bazarlar tapılmazsa, 0.6% deflyasiya ola bilər.
Xatırladaq ki, Rusiya əvvəllər Ermənistan mineral suyu, spirtli içkilər, tərəvəz və meyvələrin idxalını məhdudlaşdırıb.
