Rusiya Sankt-Peterburqdakı Rumıniya konsulluğunu bağlamaq qərarına gəlib. Rumıniya konsulu isə ölkədən çıxarılıb.
Oxu.Az-ın TASS-a istinadən məlumatına görə, bu barədə Rusiya Xarici İşlər Nazirliyi (XİN) açıqlama yayıb.
İyunun 25-də Rumıniyanın Rusiyadakı səfiri Kristian İstrat XİN-ə çağrılıb. Ona nota təqdim olunub: Sankt-Peterburqdakı Rumıniya baş konsulu "persona non grata" elan edilib və konsulluq idarəsi bağlanacaq.
Bu addımlar Buxarestin Konstansadakı Rusiya Baş Konsulluğunun fəaliyyətinə razılığını əsassız olaraq ləğv etməsinə cavabdır. Həmçinin onun rəhbəri də "persona non grata" elan olunub.












