Rusiya Xarici İşlər Nazirliyi (XİN) əcnəbiləri təcili olaraq Kiyevi tərk etməyə, paytaxt sakinlərini isə hərbi və inzibati obyektlərdən uzaq durmağa çağırıb.
Bu barədə nazirliyin rəsmi "Telegram" kanalında bəyanat yayımlanıb.
Rəsmi müraciətdə vurğulanır ki, Ukrayna Silahlı Qüvvələrinin mayın 22-də Starobelskdəki kollecə etdiyi hücum "səbri daşırıb". Bununla əlaqədar Rusiya Silahlı Qüvvələri Kiyevdəki Ukrayna müdafiə müəssisələrinə, o cümlədən PUA istehsalı məntəqələrinə, qərarqəbuletmə mərkəzlərinə və komanda məntəqələrinə sistemli zərbələr endirir.
Sözügedən obyektlər paytaxtın müxtəlif ərazilərində yerləşir. XİN bütün əcnəbilərə, o cümlədən diplomatlara şəhəri təcili tərk etməyi, Kiyev sakinlərinə isə hərbi və inzibati infrastruktura yaxınlaşmamağı tövsiyə edib.
Xatırladaq ki, Starobelskdəki kollecə hücum zamanı binada 86 yeniyetmə olub. Nəticədə 24 nəfər həlak olub, 65 nəfər yaralanıb.
