Cənubi Afrika Respublikasında safari zamanı 69 yaşlı Kanada vətəndaşı bələdçinin səhvən açdığı atəşlə həlak olub.
“Daily Mail”in məlumatına görə, təqaüdçü qadın həyat yoldaşı və iki övladı ilə “Kryuger” Milli Parkına gedib. Gün ərzində vəhşi heyvanları izləyən qrup, günbatımında piknik edib.
Bələdçi keçmiş ov hekayəsini danışarkən təsadüfən silahını işə salıb. Güllə qadının sinəsinə dəyib və o, hadisə yerində dünyasını dəyişib.
