İş adamı və Güclü Ermənistan Partiyasının lideri Samvel Karapetyan, Ermənistan parlamentinin spikeri Alen Simonyanı məhkəməyə verib. O, Simonyandan 6 milyon dram məbləğində mənəvi təzminat tələb edir.
Oxu.Az-ın Ermənistan KİV-ə istinadən verdiyi məlumata görə, Karapetyanın müdafiəsi məhkəmədən Simonyanın 19 may tarixində TikTok və Facebook-da yaydığı böhtan xarakterli məlumatları təkzib etməsini istəyir.
Simonyan paylaşımlarında Karapetyan haqqında hüquq-mühafizə orqanlarına çağırış edərək, onun xarici kəşfiyyat əlaqələrini araşdırmağı tələb edib. Karapetyanın müdafiəsi isə bu iddiaları yalan və nüfuzuna zərər vuran ifadələr kimi qiymətləndirir.
