İsrail Müdafiə Ordusu (SAXAL) Livanda Hizbullah hərəkatının bir qrup döyüşçüsünü və raket buraxılış qurğusunu məhv etdiyini açıqlayıb.
Oxu.Az xəbər verir ki, bu barədə SAXAL nümayəndələri sosial media hesabında paylaşım edib.
Hadisə Livanın cənubundakı əməliyyat zonasına yaxın Nəbatiyyə bölgəsində baş verib.
SAXAL hərbçiləri qumbaraatanla silahlanmış Hizbullah döyüşçülərini aşkarladıqlarını bildirib.
Hədəf müəyyən edildikdən sonra zərbə endirilib, deyə ordu mətbuat xidməti qeyd edib.
İsrail tərəfi əməliyyat nəticəsində Hizbullah döyüşçülərinin öldürüldüyünü və raket qurğusunun məhv edildiyini iddia edir.
