Kardioloq Sara Aleksander səhər yeməyinə avokado əlavə etməyi məsləhət görür.
O, “Daily Mirror” nəşrinə müsahibəsində avokadonun ürək üçün faydalarından danışıb.
Avokado xolesterin səviyyəsini aşağı salır, qan təzyiqini normallaşdırır. Həftədə ən azı iki avokado yeyənlərdə ürək-damar xəstəlikləri az rast gəlinir.
Həkim bildirir ki, avokadodakı bitki sterolları xolesterini azaldır, antioksidantlar, E vitamini və digər mikroelementlər damarları qoruyur.
Yarım avokado gündəlik lif ehtiyacının dörddəbirini ödəyir, tərkibindəki kalium isə banandan çoxdur. Kalium artıq duzun təsirini neytrallaşdırır.
