ABŞ Senatı Ağ Evin "Şərq qanadının modernləşdirilməsi" layihəsi üçün 1 milyard dollar ayrılmasını rədd edib.
"Respublikaçılar Trampın milyard dollarlıq ziyafət zalının xərclərini vergiödəyicilərinin hesabına ödəməyə çalışdılar. Lakin Senatdakı demokratlar buna qarşı çıxaraq onların ilk cəhdini boşa çıxardılar", - deyə Senatdakı demokratların lideri Çak Şumer bildirib.
Qanun layihəsi Senatın Hüquq məsələləri üzrə komitəsi tərəfindən irəli sürülüb. Sənədə əsasən, vəsait ziyafət zalının deyil, təhlükəsizlik tədbirlərinə yönəldilməli idi.
ABŞ Məxfi Xidmətinin rəhbəri Şon Karran qeyd edib ki, təsdiqlənərsə, 220 milyon dollar gülləkeçirməz şüşələrə, dron və zəhərli maddə aşkarlama sistemlərinə sərf olunacaq.
Senatdakı respublikaçıların lideri Con Tunun sözlərinə görə, qanun layihəsi yenidən işlənmək üçün geri qaytarılıb.
