ABŞ-yə məxsus MQ1 pilotsuz uçuş aparatı (PUA) İranın ərazi suları üzərində hava məkanını pozub. Hava hücumundan müdafiə qüvvələri dronu vurub.
Oxu.Az "Tasnim" agentliyinə istinadən xəbər verir ki, bu barədə İslam İnqilabı Keşikçiləri Korpusunun (SEPAH) bəyanatında bildirilib.
"Bu gün səhər tezdən düşmən xarakterli əməliyyat keçirmək məqsədilə İranın ərazi sularına daxil olan ABŞ-a məxsus MQ1 PUA SEPAH-ın müasir HHM sistemləri tərəfindən aşkarlanaraq raketlə vurulub", - deyə məlumatda qeyd olunub.
SEPAH bildirib ki, İranın ərazi suları üzərində hava məkanı tam nəzarət altındadır və hər hansı pozuntuya qətiyyətli cavab veriləcək.
