Cənubi Koreyanın paytaxtı Seulda "Mach 33: Physical AI Fashion Show" adlı moda nümayişi keçirilib. Tədbirdə ilk dəfə olaraq insanlar və robotlar birlikdə podiuma çıxıb.
Təşkilatçı "Galaxy Corporation" bu şounun dünyada insan təxəyyülü ilə texnologiyanı birləşdirən ilk nümunə olduğunu bildirib.
Robotlar futuristik gödəkçələr, kosmik kombinezonlar, cins kostyum və kovboy papağında nümayiş olunub. Çinin "Unitree Robotics" şirkətinin istehsalı olan robotlar istifadə edilib.
Nümayiş zamanı insanlar və robotlar simvolik rəqs edib, bir-birinin hərəkətlərinə harmonik reaksiya veriblər. Moda şousundan sonra robotlar arasında kikboksinq döyüşü də təşkil olunub.
