Şimali Koreya ABŞ-nin HIMARS sisteminin analoqu sayılan yeni yaylım atəşli reaktiv sistemini (YARS) sınaqdan keçirib.
Oxu.Az Koreya Mərkəzi Teleqraf Agentliyinə (KMTA) istinadən xəbər verir ki, sistem müxtəlif çaplı idarəolunan mərmilərlə təchiz edilib.
"Sınaqlar zamanı 24 istiqamətləndiricisi olan modernləşdirilmiş 240 mm YARS-ın döyüş xüsusiyyətləri qiymətləndirilib", - deyə məlumatda bildirilir.
Yenilənmiş YARS-ın atəşə hazırlıq mərhələləri tam avtomatlaşdırılıb. 240 mm mərmilərin atəş məsafəsi 90 km-ə çatdırılıb.
Sınaqlar zamanı YARS-dan atıla bilən "Hvason-11Ra" taktiki ballistik raketinin döyüş başlığı da sınaqdan keçirilib. Yeni başlıq aerodrom və enerji obyektlərini məhv etmək üçün nəzərdə tutulub.
