Sinqapur hökuməti Sentosa və Pulau Brani adalarını birləşdirən böyük turizm layihəsi açıqlayıb.
Plan "Böyük Sentosa" adlanan nəhəng zonanın yaradılmasını nəzərdə tutur.
Yeni məkanın ildə 32 milyon turist cəlb etməsi gözlənilir - bu, hazırkı rəqəmdən iki dəfə çoxdur.
Layihəyə dağ zirvəsində restoranlar, mağazalar və müşahidə platforması daxildir.
Həmçinin iki ada arasında nəqliyyat qovşağı tikiləcək və çimərliklər yenilənəcək. İlk obyektlər 2030-cu illərdə istifadəyə veriləcək.
Sinqapur torpaq sahəsini genişləndirmək üçün dənizi doldurur. 1960-cı ildə 581 km² olan ərazi 2025-ci ildə 736 km²-ə çatıb.
Məqsəd Sentosanın qlobal kurort kimi cəlbediciliyini artırmaqdır. Hazırda orada kazino, Universal Studios tematik parkı və Siloso çimərliyi fəaliyyət göstərir.
