Avtomobil bazarında yeni böhran: "Nissan" və "Toyota" sintetik mühərrik yağlarının tədarükünə limit tətbiq edib.
Oxu.Az "Carscoops" nəşrinə istinadən xəbər verir ki, sürtkü materialları böhranı daha da kəskinləşir.
"5W-30" və "0W-20" yağlarının tədarükü "Nissan" tərəfindən məhdudlaşdırılıb. Son həftədə "5W-30" 70%, "0W-20" isə 55% azalıb.
"Toyota" dilerlərə "0W-8" və "0W-16" yağlarının qıtlığı barədə xəbərdarlıq edib və alternativ axtarmağı tövsiyə edib.
III qrup baza yağlarının yarısı ABŞ-yə idxal olunur. Assosiasiya iyun ayına qədər Fars körfəzindən gələn yağların tükənəcəyini proqnozlaşdırır. Bu kəsir 2027-ci ilin ortalarına qədər davam edə bilər.
