Şotlandiya parlamenti müstəqillik referendumunun keçirilməsini rəsmi olaraq dəstəkləyib.
Oxu.Az xəbər verir ki, bu barədə hökumətin sosial şəbəkə hesabında məlumat yayılıb.
“Şotlandiya parlamenti ölkənin müstəqilliyi haqqında referendum keçirilməsi çağırışlarını dəstəkləyib”, – deyə açıqlamada bildirilib.
Deputatların əksəriyyəti (72 səs lehinə, 55 səs əleyhinə) Baş nazir Con Suinninin Britaniya hökumətinə müraciətini dəstəkləyib.
Suinni 1998-ci il Şotlandiya Aktının 30-cu maddəsinə əsasən, parlamentə referendum təşkili səlahiyyəti verən fərmanın imzalanmasını tələb edib.
O, Şotlandiya Milli Partiyasının lideri və müstəqilliyin sadiq tərəfdarıdır. Mayın 19-da keçirilən seçkilərdə qələbədən sonra yenidən baş nazir seçilib.
Şotlandiya hazırda Böyük Britaniyanın tərkib hissəsidir.
