Böyük Britaniya Silahlı Qüvvələrinin Baş Qərargah rəisi Riçard Nayton bildirib ki, hazırda ölkə üçün risk və təhdidlər Soyuq müharibənin başa çatmasından bəri ən yüksək səviyyəyə çatıb.
BBC Radio 4-ə danışan Nayton deyib: "Bu mənim xatırladığım ən təhlükəli dövrdür".
Nayton qeyd edib ki, Rusiya Britaniyanın müdafiə sistemini sınaqdan keçirir, yoxlayır və çağırış edir. Vəziyyəti daha da gərginləşdirərək təhlükəli həddi keçmək riski yaradır.
O vurğulayıb ki, Britaniya ordusu son onilliklərdə qısamüddətli münaqişələrə hazırlaşıb, lakin indi uzunmüddətli müharibələrə hazır olmalıdır.
"Müdafiəyə daha çox vəsait ayırmalı və bunu daha sürətlə etməliyik", - deyə Nayton əlavə edib.
Baş Qərargah rəisi Rusiyanın uzaqmənzilli aviasiyasının Uzaq Şimal bölgəsində fəallığının artdığını bildirib.
Britaniya Baş naziri Kir Starmer deyib ki, kəşfiyyat və NATO üzvləri Rusiyanın 2030-cu ildə alyansa hücum edə biləcəyini istisna etmirlər.
NATO baş katibi Mark Rütte üzv ölkələri "sadəlövh olmamağa" və müdafiə xərclərini artırmağa çağırıb.
