Şri-Lankada sərxoş taksi sürücüsü idarəetməni itirərək avtomobili insanların kütləvi toplaşdığı əraziyə sürüb. Nəticədə altı nəfər həlak olub, yeddi nəfər yaralanıb.
Hadisə paytaxt Kolombodan 30 km aralıdakı Meeqoda baş verib. Sürücü əks hərəkət zolağına çıxaraq buddist bayramındakı yemək növbəsinə çırpılıb.
Qəzada ümumilikdə 13 nəfər ağır xəsarət alıb. Altı nəfər – üç kişi, üç qadın (15 yaşlı qız da daxil) xəstəxanaya çatdırılmadan həyatını itirib.
Polis 42 yaşlı sürücünü həbs edib. Araşdırmalar onun sərxoş olduğunu təsdiqləyib.
