SpaceX-in Starlink layihəsi çərçivəsində fəaliyyətdə olan peyklərin sayı 10 400-ü keçib. Mayın 25-də orbitə çıxarılan yeni aparat qrupu ilə bu rəqəm 10 442-yə çatıb.
2019-cu ildən bəri SpaceX ümumilikdə 12 mindən çox internet peyki orbitə göndərib. Onların bir hissəsi sıradan çıxıb və ya orbitdən çıxarılıb.
2026-cı ilin əvvəlindən etibarən Falcon 9 raketləri ilə 1 100-dən çox Starlink peyki orbitə buraxılıb.
SpaceX, Yer kürəsinin istənilən nöqtəsində genişzolaqlı internet təmin etmək üçün 12 min peykdən ibarət tam şəbəkə yaratmağı planlaşdırır. Layihəyə ümumi investisiya təxminən 10 milyard dollardır.
Starlink hazırda 160 ölkə və ərazini əhatə edir, 10 milyondan çox aktiv istifadəçiyə xidmət göstərir.
