Sudanda üç ildir davam edən müharibə dəhşətli fəsadlar yaradıb. 8000-dən çox insan itkin düşüb.
Beynəlxalq Qızıl Xaç Komitəsinin məlumatına görə, insanların bir qismi qaçqın düşərgələrində itib, digərləri döyüşlər zamanı yoxa çıxıb.
Xartum ştatında itkin düşənlərin əksəriyyətinin adsız məzarlarda dəfn edildiyi güman edilir. Ötən il paytaxt ordunun nəzarətinə keçəndən sonra on minlərlə cəsəd tapılıb.
Döyüşlər zamanı cəsədlərin qəbiristanlıqlarda dəfn edilməsi təhlükəli idi. Buna görə də insanlar tapdıqları hər yerdə məzarlar qazırdılar.
Associated Press müxbirləri futbol meydançalarında və yanacaqdoldurma məntəqələrinin yaxınlığında çoxlu sayda adsız məzar olduğunu bildiriblər.
