Mayın 1-nə keçən gecə İranın paytaxtı Tehranda hava hücumundan müdafiə sistemlərinin səsləri eşidilib. Bu barədə məlumatı "Reuters" agentliyi yayıb.
İslam İnqilabı Keşikçiləri Korpusunun (SEPAH) "Telegram" kanalında verilən açıqlamaya görə, hərbi qüvvələr bir neçə pilotsuz uçuş aparatını (PUA), o cümlədən casus dronları məhv edib.
SEPAH-ın bəyanatında vurulan hava hədəflərinin hansı ölkəyə aid olduğu və ABŞ-İran arasında atəşkəsin gələcək vəziyyəti ilə bağlı heç bir detal qeyd edilməyib.
"Paytaxtın bir sıra bölgələrində, o cümlədən Tehranın qərb, mərkəz və cənub-şərq hissələrində hava hücumundan müdafiə sistemlərinin səsləri eşidilməkdədir", - deyə SEPAH-ın yaydığı bəyanatda vurğulanıb.
Hadisə İranın son dövrlərdə artan təhlükəsizlik narahatlıqlarını bir daha gündəmə gətirib. Daha ətraflı: Tehran, SEPAH, PUA, ABŞ.
