"Qalatasaray"ın ulduz futbolçusu Lukas Torreyraya İstanbulun Beyoğlu rayonunda hücum edilib.
Uruqvaylı futbolçu sevgilisi ilə ticarət mərkəzindən çıxarkən 32 yaşlı Yusuf adlı şəxs onunla mübahisə edib.
Mübahisə qızışıb və şübhəli Torreyraya yumruq zərbəsi vurub. Torreyranın sol qaşı və gözü arasında qızartı aşkarlanıb.
Şübhəli hadisə yerindən qaçmaq istəsə də, saxlanılıb. Futbolçu məhkəmə iddiası qaldırıb.
Məlum olub ki, Torreyranın sevgilisi əvvəllər də eyni şəxsdən şikayətçi olub və onun barəsində uzaqlaşdırma qərarı çıxarılıb. İstintaq davam edir.
