ABŞ Prezidenti Donald Tramp benzin satıcılarına qiymətləri dərhal endirməyi tapşırıb. O, əks halda ciddi nəticələrlə üzləşəcəklərini bildirib.
Bu barədə Tramp "Truth Social" səhifəsində paylaşım edib. O qeyd edib ki, neftin qiyməti 68 dollar/barel səviyyəsindədir və azalmaqdadır, lakin benzin baha satılır.
Prezidentin sözlərinə görə, benzinin qalonu 2.50 dollar olmalıdır. O, həmçinin Kaliforniyanı yanacaq vergilərini endirməyə çağırıb.
Tramp ötən həftə iri neft şirkətlərini - Exxon Mobil, Chevron, Shell və bp-ni süni qiymət artımında ittiham edərək araşdırma aparılacağını açıqlamışdı.
Hazırda ABŞ-də "Regular" benzinin orta qiyməti 3.86 dollar/qalondur.
