ABŞ Prezidenti Donald Tramp bildirib ki, Çin lideri Si Cinpin İran münaqişəsinin həllində yardım təklif edib. Bu barədə o, "Fox News" telekanalına müsahibəsində danışıb.
Tramp qeyd edib: "Sədr Si müqavilənin bağlanmasını istərdi. O, həqiqətən də bu razılaşmanı görmək niyyətindədir. O, həmçinin yardım etməyi təklif edib və bildirib ki, əgər hər hansı formada köməyim dəyə bilərsə, bunu etməkdən məmnun olaram".
ABŞ dövlət başçısı əlavə edib ki, Çin lideri Hörmüz boğazının gəmiçilik üçün açıq qalmasını da dəstəkləyir.
