ABŞ Prezidenti Donald Tramp bəzi Çin müəssisələrinə qarşı sanksiyaların ləğvinə razılıq verib.
CNN-in məlumatına görə, Tramp İrandan neft idxal edən Çin şirkətlərinə tətbiq olunan məhdudiyyətlərin yaxın vaxtda aradan qaldırılacağını açıqlayıb.
Bu addım Yaxın Şərqdəki böhran fonunda neft bazarındakı qeyri-sabitliklə əlaqələndirilir.
Tramp Pekin səfərindən sonra jurnalistlərə məsələnin müzakirə olunduğunu təsdiqləyib, lakin Çindən heç bir güzəşt gözləmədiyini vurğulayıb.
Xatırladaq ki, Tramp əvvəllər "Fox News"-a müsahibəsində Çin lideri Si Cinpinin Boeing şirkətindən 200 təyyarə almağa razılıq verdiyini bildirmişdi.
