ABŞ Prezidenti Donald Tramp ölkədə inflyasiyanın son üç ilin ən yüksək səviyyəsinə çatmasına münasibət bildirərək, bu vəziyyətin onun xoşuna gəldiyini vurğulayıb.
Oxu.Az xəbər verir ki, bu barədə "Forbes" nəşri məlumat yayıb. Jurnalistlər Ağ Ev liderindən istehlak qiymətlərinin yüksəlməsindən narahat olub-olmadığını soruşublar.
"Xeyr, bu mənə xoşdur. Mən inflyasiyanı sevirəm", - deyə o, suala cavabında bildirib.
D.Tramp İranla müharibə başa çatan kimi qiymətlərin enəcəyini sözlərinə əlavə edib. ABŞ prezidentinin sözlərinə görə, o, İslam Respublikası ilə münaqişənin Amerika iqtisadiyyatına təsir edəcəyi barədə əvvəlcədən xəbərdarlıq edib.
May ayında ABŞ-nin dövlət borcunun təxminən 450 milyard dollar artaraq 39.2 trilyon dollara çatıb. Bu əhəmiyyətli artım Yaxın Şərqdə münaqişənin gərginləşməsi fonunda baş verib. Əsas xərc maddələri müdafiə ehtiyacları üçün artan xərclər və öhdəliklər üzrə ödənişlər olub. Amerikalılar üçün isə bu, ipoteka və biznes kreditləri üzrə faiz dərəcələrinin yüksəlməsi təhlükəsi yaradır.
ABŞ-nin dövlət borcunun gələcəkdə də artacağı təqdirdə, dünya iqtisadiyyatı inflyasiyanın yüksəlməsi və ÜDM artımının ləngiməsi riski ilə üzləşə bilər.
