ABŞ Prezidenti Donald Tramp mayın 29-da İranla ilkin sazişin təsdiqlənməsi ilə bağlı yekun qərarını verəcək. O, bu barədə "Truth Social" platformasında yazıb.
Tramp köməkçiləri ilə Ağ Evdə keçirəcəyi müşavirədə qəti qərar qəbul edəcəyini bildirib. Onun sözlərinə görə, sazişin əsas bəndləri artıq razılaşdırılıb.
ABŞ lideri vurğulayıb ki, İran nüvə silahından birdəfəlik imtina etməlidir. "İran heç vaxt nüvə silahına sahib olmayacaq", - deyə Tramp yazıb.
Potensial saziş Hörmüz boğazının dərhal açılmasını, dəniz blokadasının ləğvini və minalardan təmizlənməni nəzərdə tutur. Tramp qeyd edib ki, ABŞ minaların çoxunu artıq partladıb, qalanlarını isə İran təmizləyəcək.
