ABŞ Prezidenti Donald Tramp İranla bağlı açıqlamalar verib. O bildirib ki, İran Vaşinqtonla yeni saziş imzalamaq istəyir.
"Onlar razılaşma əldə etmək üçün bizimlə müzakirələr aparırlar. Saziş bağlamağı çox istəyirlər", - deyə Tramp "Fox News"a müsahibəsində qeyd edib.
Prezident əlavə edib ki, son hücum əməliyyatlarında 250 milyon dollar dəyərində sursatdan istifadə olunub: "Ötən gecə onların üzərinə ümumi dəyəri 250 milyon dollar olan bombalar atdıq".
O, quru əməliyyatına başlamaq niyyətində olmadığını, lakin ABŞ ordusunun buna hazır olduğunu vurğulayıb: "Biz oraya sabah da daxil ola bilərik. Mən quru əməliyyatı keçirmək istəmirəm".
