ABŞ Prezidenti Donald Tramp İrana yenidən hərbi zərbə endirilməsi ehtimalını açıqlayıb.
Oxu.Az xəbər verir ki, bu barədə "İnterfax" agentliyi məlumat yayıb.
Tramp Ağ Ev qarşısında jurnalistlərə bildirib: "Ola bilsin ki, onlara daha bir zərbə endirmək lazım gələcək. Bunu tezliklə öyrənəcəksiniz."
O, İranın nüvə silahına sahib olmamalı olduğunu vurğulayıb və Demokratları danışıqlara mane olmaqda ittiham edib.
Tramp qeyd edib ki, bir gün əvvəl hücum qərarını əməliyyata saatlar qalmış ləğv edib. Diplomatiya üçün vaxtın məhdud olduğunu deyib: "İki-üç gün, bəlkə cümədən bazar gününə qədər."
O əlavə edib ki, İranın hərbi imkanları tam məhv edilməsə də, ciddi zəiflədilib.
