ABŞ Prezidenti Donald Tramp bildirib ki, münaqişə nəticəsində İrana dəyən zərər 1.5-2 trilyon dollar arasında ola bilər. O, Tehranın maliyyə yardımı almayacağını da vurğulayıb.
Oxu.Az xəbər verir ki, Tramp bu sözləri "Böyük yeddilik" (G7) sammitinin yekunlarına dair mətbuat konfransında deyib.
"Onlara investisiyalar lazımdır, çünki biz 1.5 trilyon dollar, bəlkə də 2 trilyon dollar həcmində zərər vurmuşuq. Kimsə onlara kömək etməli olacaq. Belə yardımın olacağına heç bir zəmanət yoxdur, bəlkə qonşular bir qədər kömək edərlər. Amma söhbət nəhəng məbləğdən gedir. Demək olar ki, heç kimin belə vəsaiti yoxdur. Lakin biz heç bir maliyyə məsələsini müzakirə etmirik, bu, yalan məlumat idi", - deyə Tramp bildirib.
ABŞ lideri qeyd edib ki, zərbələrin dayandırılması regionda gəmiçiliyin bərpasına imkan verir. "Əgər əksinə hərəkət edib onları daha dörd gün bombardman etsəydim, tamamilə məhv etsəydim, buna görə mediadan mənfi reaksiyalar alacaqdım. Əgər bombardmanları davam etdirsək, yük gəmiləri hərəkət etməyəcək. Söhbət gündəlik 500-700 milyon dollardan gedir", - deyə o əlavə edib.
