ABŞ Prezidenti Donald Tramp İranın sülh təklifinə verdiyi cavab sənədini oxuduğunu, lakin ilk cümlənin onu qəzəbləndirdiyini bildirib.
Pekindən Alyaskaya uçarkən jurnalistlərə danışan Tramp deyib: "İlk cümlə xoşuma gəlmədi, ona görə də sənədi kənara atdım".
O, sənəddə qəbuledilməz təklif olduğunu vurğulayıb, lakin konkret məzmun açıqlanmayıb.
Xatırladaq ki, mayın 10-da İran cavabını Pakistan vasitəsilə çatdırıb. Məlumata görə, Tehran nüvə obyektlərinin sökülməsindən imtina edib, ancaq uranın zənginləşdirilməsini dayandırmağa hazır olduğunu bildirib.
