ABŞ Prezidenti Donald Tramp İranla razılaşmanın hələ tam yekunlaşmadığını açıqlayıb.
Oxu.Az xəbər verir ki, Tramp bu barədə "Truth Social" sosial şəbəkəsində paylaşım edib.
"Əgər mən İranla razılaşma bağlasam, yaxşı və düzgün razılaşma olacaq. Bu, İranı böyük məbləğdə nağd pulla təmin edən və ona nüvə silahı əldə etmək yolu açan Barak Obamanın bağladığı razılaşma kimi olmayacaq", - deyə ABŞ lideri qeyd edib.
"Bizim razılaşmamız bunun tam əksidir, amma onu hələ heç kim görməyib, heç kim onun nədən ibarət olduğunu bilmir. O hələ tam yekunlaşdırılmayıb. Buna görə də nə barədə danışdıqlarını bilməyən uğursuzları dinləməyin. Məndən əvvəl bu problemi illər əvvəl həll etməli olanlardan fərqli olaraq, mən pis razılaşmalar bağlamıram", - deyə Tramp əlavə edib.
